白玫瑰

筆試

Tue, 16 Oct 2007 05:18:18 GMT

終於考完第一個試 - 筆試, 而昨日亦己公佈成績, 好彩合格, 雖然比我自已期望低分了少許, 但至少都合格拉 ^ ^。很可惜同班的一個同學肥左, 要再補考, 所以我地幾個決定這個星期六擔任補習老師, 與她一起溫習, 希望她能暢利渡過。雖然第一重考試渡過了, 但仍然還有6項要考, 所以大家都仍需努力。

一張感動的慰問咭

Fri, 21 Sep 2007 02:16:33 GMT

昨天收到一張由動物診所之Dr. Florence同一班曾經照顧過豆豆的assistants 寄來的一張慰問咭, 內容是她們對Dau Dau 的死感到遺憾及一些問候語。自己看完後好感動, 因為發現他們對動物的那份愛心沒有因為每天繁忙的工作而減去那份熱情。真的好多謝他們!!!!

導師課程完成了

Tue, 18 Sep 2007 05:30:44 GMT

一年的導師課程終於上完了最後一課, 回想起第一天上課的情景, 好像是不久之前的事。過去的一年, 真的認識了很多關於瑜伽的事, 一年前的我從來都沒有想過自己真的可以當起導師來亦加強了自信心。這個課程真的教許了我很多東西, 見識了不少。現在的我真的改變了很多, 相信好多過壞, 亦令到自己知道自己想追求什麼及需要什麼。雖然完成了所有課程, 但仍然要應付多項的考試。希望能夠得到好的成績.....

Goodbye Dear

Mon, 17 Sep 2007 06:14:00 GMT

2007年9月14日我的小寶貝終於離我而去, 不過對她來說應該是一種解脫因為看箸她痛苦的生存, 倒不如早點離去。生命真的好奇妙, 它要你離去時就要離去, 甚至乎都不給你多留一天。

當我回想起她安祥的面容, 抱箸她冰凍的身軀, 望箸她喜愛的玩具, 眼淚又不期然的掉了下來, 真的好傷心同好掛住她。不過, 好多謝身邊的一班好朋友同好知己, 如果在這段時間沒有你們的支持同鼓勵真的不知如可渡過。

一生中最愛

Thu, 23 Aug 2007 07:15:36 GMT

今日收聽到收音機播了一首譚詠倫的舊歌一生中最愛, 覺得好好聽, 尤其是這兩句的歌詞是 "寧願一生都不說話，都不想講假說話欺騙你" 及"如果痴痴的等某日, 終於可等到一生中最愛" 。我自己己經找到我的最愛, 你呢??

一生中最愛

如果痴痴的等某日
終於可等到一生中最愛
誰介意你我這段情
每每碰上了意外不清楚未來
何曾願意我心中所愛
每天要孤單看海

* 寧願一生都不說話
都不想講假說話欺騙你
留意到你我這段情
你會發覺間隔著一點點距離
無言地愛我偏不敢說
說一句想跟你一起 Ooh... *

# 如真如假如可分身飾演自己
會將心中的溫柔獻出給你唯有的知己
如痴如醉還盼你懂珍惜自己
有天即使分離我都想你我真的想你 #

Repeat * # #

如果痴痴的等某日

終於可等到一生中最愛

成功感

Wed, 08 Aug 2007 01:50:11 GMT

踏足社會做事都已很久了, 從來都未曾在工作上有過任何成功感, 又或者這樣說, 我的工作是聽從指導做事, 每天都刻板工作, 工作可以是為了生計而已。由上年開始決定修讀瑜伽導師課程, 初初都懷疑自己是否可以勝任, 但經過一年多的學習及教班經驗, 自信心強了很多, 對此份工作越來越投入, 越來越喜歡。

昨天開始了我的第一次, 終於有自己的一班學生, 雖然之前都有教班經驗, 但始終都是代課形式, 都稱不上是自己學生。有自己一班學生的感覺非常開心及滿足, 那份感覺言語真不能夠形容。尤其是當學生稱呼自已 "老師前, 老師後", 那份喜悅到現在還未消失。

給自己的生日禮物

Wed, 04 Jul 2007 06:29:57 GMT

咁又過左一個好開心既生日, 收左幾份生日禮物同食左好多餐生日飯。最開心都有”你”幫我慶祝, 你花既心思氹得我好開心, 你都知嫁, 我唔係要要d咩禮物, 心思比任何禮物更寶貴。多謝你陪左我過一個好開心好開心既生日。要送返一個大大hug同kiss 比你先得。

至於我自己都送左一份禮物比自己, 就係送左一封電郵比自已, 不過係十年後先收到, 唔知十年後既我睇番呢封電郵唔知有咩感想, 唔知自已會變成點……好多好多既唔知 ……

訓矮頸 (2)

Fri, 29 Jun 2007 09:09:45 GMT

條頸都痛左差不多2個星期多, 都仲未好番, 係呢個星期己經睇左中醫, 佢己經幫我刮沙, 針灸都做埋都係好轉左少少, 但仍然有少許痛尤其是朝早訓醒既時候。不過我從來都未試過針灸, 好彩針落黎唔覺痛同冇咩感覺, 針完仲鬆左好多天。我己經停止晒所有練習, 所以係呢個星期可以儘情咁同d朋友仔敍下舊, 話時話好耐都冇試過咁得閒, 真係有失有得拉。不過我都係想知我幾時會好番...唔知有冇人可以分亨下呀!!!!!!

訓矮頸

Thu, 21 Jun 2007 09:40:02 GMT

前兩日無拿拿條頸好痛, 連起床都成問題, 於是問朋友, 佢地話應該係訓矮頸同埋有骨火, 我聽完就問呢兩樣野有關係咩??? 不過有冇都唔緊要拉, 條頸都係咁痛, 個頭直頭唔轉得。不過尋日買左一支曼秀雷敦摩擦膏擦下, 今日條頸叫做可以鬆d, 究竟要幾耐先好番gar, 有冇人可以話我知 =.=

Samuel & Erica寿宴

Fri, 15 Jun 2007 07:59:12 GMT

又到了一年一度的生日聚會, 今次的主角是Erica同Samuel。因為他們的生日日期太近所以年年都是一起慶祝。其實每年我們都會去不同的餐廳或酒樓慶祝, 不過今年Hoffman提議再去回上年的酒樓, 因為那裡的鮑魚同寿包(超巨大)好好味, 所以昨晚都沒有例外, 每人有一隻大大鮑魚同寿包。

不知是否一個人開心就連樣子看上去也青春一點, 見Samuel年年都是這樣子好像沒有老過, 又或者是男人沒有那麼容易老呢???? 其實佢真的幾有型但不知為何如今仍然是單身…….真的不明白 =.=….莫非他是………..

有時覺得時間真的過得很快, 很快的又一年, 可能人越大對人的信任就越低, 總是覺得新相識的朋友總是沒有那份深情, 好難建立一份真友誼。不過好慶幸自已身邊有一班好好朋友相伴, 尤其是你Erica時時都在我身邊幫助我照顧我….所以好想在這裡講一聲多謝~~~~~

Sam & Erica

Happy Birthday to you ~~~~

恭喜

Wed, 13 Jun 2007 08:41:41 GMT

昨日收到mommy的電話講左一個好消息就是我既妹有左, 好登佢開心, 不過佢之前試過小產, 所以今次大家都好緊張, 千囑萬囑要佢小心。我打左比佢叫佢唔好番工, 但係佢都係要堅持, 不過佢唔會咁操勞, 只係負責收錢同坐係度。唔知會生男定女呢~~~, 我就鐘意囡囡多d........eeee.....咁我咪遲d咪會升級左叫做E媽唔知會唔會叫到老晒gar~~~

天荒地老

Fri, 08 Jun 2007 09:18:14 GMT

是否每一樣東西都可以天荒地老???

你說的天荒地老, 不知怎樣可以恒久?

我說的天荒地老, 不知怎樣可以繼續?

風仍舊吹著....
水仍舊流著....
我仍舊等著....

這樣是...天荒地老嗎?

2-3 Asia Yoga Conference

Wed, 06 Jun 2007 01:24:54 GMT

終於在上星期六、日上了幾位出名的瑜伽導師的workshop, 真係獲益良多。由早上8:30開始至晚上7時完結。首先是上左我最崇拜的導師David Swenson 堂, 那堂主要講解倒轉, 後彎動作同少少呼吸法。雖然唔係講解好多個動作, 但他在堂上講得好生動有趣, 令到在場氣氛好好, 見到佢個真人同佢本書個樣都冇咩分別, 唔通反瑜伽真係能夠令人stay young。

當天大約有一百人出席, 大部份都係導師, 亦有其它國家專程來香港上堂的導師。個個都好專業, 好開心見識到好多叻人, 我地大家一有時間就不定咁同其它導師交流一下心得。完堂時, 本來沒有打算可以同David Swenson影到合影, 但居然都比我zip到埋去同佢影到一張相 v^^v……我開心到不得了, 不過唔記得提埋本書比佢簽番個大名 =.=

黃昏時我地就出席令一個workshop係 “雙人瑜伽” 可能你聽到”雙人瑜伽”都會聯想成”傷人瑜伽”哈哈哈~~~~~~,有可能的, 當不投入的時侯, 任何一種瑜伽都有可能把身體弄傷, 小心!小心! 初初見他們的示範, 開始時有點質疑, 一班不是太了解對方身體的人做這樣的瑜伽是否可能呢! 對老師來說當然是無問題拉, 不過當在做動作時找到對方身體的受力點後 ,所有的疑慮都會慢慢放下。

”雙人瑜伽”主要分為上下兩部分, 下部分為基礎受力的一方, 上部分是做出不同動作的一方,其實做起來比看起來輕鬆。當大家找到平衡位置, 自由的思想, 輕鬆的身體, 就好像飛行在空氣裡, 很有趣, 感覺很好, 有些動作的配合是需要比較強壯的下部份, 有的動作下方基礎部份不需要太大力量 (連我也可以支持一些壯男呀!!!!!),只要找到平衡點便可以輕鬆地支持上面的人, 睇下我d相就知拉^ ^ 。跟住呢部份係我最喜歡就係yoga massage, 我地亙相替對方massage, 係由一些瑜伽動作 + 泰式按摩合成, 雖然老師話其實要學6個鐘先學到一般基本動作, 但佢地用了十分鐘講解了一些平日練習完後大家同學都可以亙相替對方舒緩一下疲勞的動作。比partner message 完後 , 真係好正, 好舒服呀!!!!!! 等我得閒免費替d朋友仔做下massage先 , 唔係好易唔記得 : ))

習慣

Tue, 05 Jun 2007 08:57:06 GMT

今日又比地下d坑渠lung zip住左個隻高踭鞋踭, 不過呢d週不時都會係我身上發生, 哈哈哈~~~~。可能你會問咁點解仲要行個度, 咪就係因為習慣law。所以有時覺得失去一樣野或又一個人, 可能唔係你有幾鐘意呢樣野或呢個人, 而係個樣野或個個人係你身邊有幾耐, 只不過一下了冇左咪唔習慣law, 又或者唔想去改變呢個習慣。總之, 下次見到我又zip住左隻鞋踭, 唔好問我點解仲要行度, 因為係習慣……………

大隻妹

Tue, 05 Jun 2007 06:55:03 GMT

可能近排操得比較fit, 尋日同幾個朋友食飯時居然比人叫大隻妹, 話我好大隻, 連d男仕都咁講, 我想係度話比你地知, 你地咁講我好hurt gar!!!! 仲邊有男人夠膽埋身喎.... ~~~唉!!!!!!!

令人沮喪的教班日子

Fri, 01 Jun 2007 03:30:26 GMT

尋晚教班時, 我既老師居然出現係我個班上堂, 搞到我好緊張同有d亂。唔知點解佢睇住我上堂好驚好大壓力, 不過落堂後佢都有比番d comment我, 叫我應該點教會再好d, 仲有咩要改善。可能有佢係度關係, 我d自動信心一度跌到零咁濟, 所以講野把聲好細聲, 執學生時又搞錯左方向 (咁個學生當然唔知拉 )。而家發覺理論同實踐係真係唔同, 無論你講得幾天花隆重, 但一到實踐就總是樣樣都差d差d, 所以經驗真係要草番黎。不過我會首先克服緊張先其它再慢慢改善, 希望唔會令對我有期望既朋友, 老師失望。

分手紀念日????

Thu, 31 May 2007 02:11:49 GMT

從來都冇唸過分手都會有紀念日, 其實係我一個男性朋友佢係兩年前既5月27日同佢女朋友分手, 但每年既呢一日, 佢個舊女友都會sent sms提佢今年係我地第 x年既分手日, 你唔好再掛住我啦, brabarbar..........

真係唔知係個女仔放唔低定係想個男仔掛住佢呢, 我係女仔都唔係好明。我個朋友就話都幾hurt下, 但又唔知點對付佢好, 好無耐

女人真係茶煲

Wed, 30 May 2007 02:40:20 GMT

今日公司兩位同事因為公司上d小事蹧吵, 但大家既言語好處處迫人下, d說話對人多過對事。話時話, 有女人既地方就有好多是非, 唔知點解女人係咁, 有時都幾討厭下。唉!~~~雖然自己都係女人但有時都真係唔明d女人唸咩gar!!!!!!

Astavakrasana (Crooked Limb Pose)

Tue, 29 May 2007 08:54:02 GMT

表演完後又開始番難辛既練習, 老師呢2個星期教左個新動作, 但好難呀, 連上都上唔到, 我自己就未領略到應該點做, 唔知要練幾耐先可以做到呢 ???

知足常樂

Thu, 17 May 2007 07:39:52 GMT

今日係船上聽到一個人不停咁埋怨呢樣個樣, 好似成個世界都對佢唔好咁, 我就突然唸起『知足常樂』呢四個字。其實知足常樂四個字，要看看你想想到得到。我就認為這四個字如果真係到得的話，我相信每天都會過得好開心。

人若是不知足則處處是煩惱，知足則常樂。 知足常樂，對人生有正面的影響。佛經說：知足之人，就像在天上享天福般的快樂；不知足的人，如同處在地獄當中。事實上都係咁，知足才會快樂，知足才會平靜；不知足的人，貪得無厭，得不到就苦惱、憂憤、乃至憎恨、不擇手段，造作惡因，真正是如同處在地獄。

不過貪心係人的天性，睇下係貪d咩，貪錢貪物質，得到手後個種快樂可以維持幾耐？通常是因為快樂唔能夠持久，而產生更大的貪心，落了不知足處，就因得不到而常苦。

其實瑜伽經內都有講解人總是在感官享受中尋求滿足, 因為人的心靈總是時刻都在尋求一些新的感官享受或新的對象, 好似一首新歌, 一件新衫。但當這個事物不再『新』時, 心靈在物件中的吸引力就消失, 所以呢種快樂係好短暫。

有知足常樂的心，才能做到敬業樂群。 一件事情唔係一個人能完成的，而是很多人的協助。佛經說：功德歸三寶，好事給他人，壞事自己檢討反省；這說明了知足常樂的正面意義。知足的人做任何事就會愉快、很有精神，不知足的人會怪東、怪西，怪這、怪那，事業失敗了，怪社會制度不好，怪朋友不幫忙。

亦有d人，有了十萬就想百萬，有了百萬就想千萬，總是這山望到那山高，比自已好大壓力，在這種心態當中惡性循環，越來越煩惱，始終活在不安定的狀況。其實有冇想過而家擁有的既比起好多人都好幸福呢??

不過知足常樂這四個字講就好容易，真正能做到並不是一件容易的事，我希望大家能朝這方面去努力，使自己真正成為一個快樂既人。

Photo Album: April 25 我的一對活寶貝

Sat, 22 Mar 2008 19:47:29 GMT

April 25 我的一對活寶貝

仲咩偷影我呀!!!!

好舒服呀~~~

比人剪晒d毛冇眼睇

d毛幾時先至長番呀...我鐘意長頭鬆嫁

終於可以上sofa..hahaha

好攰呀

等我企上d先

shower time

一隻大蜜蜂...

嘩~~bobby就黎高過我拉

More Photos...

Photo Album: 4 & 11 May 07 Yoga Performance in HKCEC & Macau Tower

Thu, 27 Sep 2007 14:00:57 GMT

4 & 11 May 07 Yoga Performance in HKCEC & Macau Tower

IMG_4404.JPG

IMG_4409.JPG

IMG_4431.JPG

IMG_4437.JPG

IMG_4447.JPG

IMG_4452.JPG

IMG_4453.JPG

照片 124.jpg

照片 125.jpg

IMG_4454.JPG

More Photos...

Photo Album: 我的生日

Sat, 07 Jul 2007 15:09:33 GMT

我的生日

餐廳老板娘送的紅酒

木瓜沙律

條魚唔可以食皮

Samuel送的禮物

Chi Kwong, Erica & Iva

Erica送的禮物

Samuel Erica & Iva

零下20度的凍房

見到d煙就知幾凍

好多Vodka

More Photos...

Photo Album: 14 Jun Erica & Samuel BD

Mon, 25 Jun 2007 08:47:08 GMT

14 Jun Erica & Samuel BD

Erica_Sam BD

Erica_Sam BD1

Photo Album: 2-3 Jun 07 Asia Yoga Conference

Mon, 25 Jun 2007 08:47:08 GMT

2-3 Jun 07 Asia Yoga Conference

早上未訓醒的我

靚靚Alice同學

坐直d拉

Iva & Bonnie

Headstand 的示範

David Swenson 教如何起Headstand

同學~~~小心呀

佢做得好好呀

快d做番個child's pose

Backbend

More Photos...

Photo Album: Salsa Dance

Mon, 25 Jun 2007 08:47:08 GMT

Salsa Dance

x1pGZkdzF2rmpsqfapEi-bfpjfOemGor0NZzL1RmKLC1lyNeBRUUkGsp_6KOA8AiQxnCcrSgPCNbfnvOELze3QYDmVH21lyuAsLZhe_arxA_kM

tstbegnov1

tstbegnov6

tstbegnov5

Blog list: Blog list

Mon, 25 Jun 2007 08:47:08 GMT

Custom List: Custom List

Mon, 25 Jun 2007 08:47:08 GMT